Int biss Taf,
x’inhuma s-sentimenti,
li hemm fil-fond ta’
qalbna.
Int biss Taf,
x’inhuma l-ħsibijiet,
li hemm ġo moħħna
jberrnu.
Int biss Taf,
x’hemm lest għalina,
fil-ġejjieni.
Int biss Taf,
x’inhu l-futur,
tad-dinja tagħna.
Għalhekk, aħna lkoll,
f’Idejk kollox inħallu.
Għax Inti kollox Taf,
u daqsek ma jaf ħadd.
GĦALIEX?
għaliex tlaqt u ħallejtni waħdi
f’nofs oċean
nissara mal-baħar
qalil?
għaliex ħrabtli?
ħallejtni ħabta
w sabta…
waħdi…
waħdi…
erġa' lura!
tħallinix negħreq fil-baħar kiefer
li ma jaħfirha
`l ħadd
erġa' lura!
ejja ħa ssalvani
mit-telfien
ejja ħa niggranfa miegħek
u nerġa’ nħossni maħbub
bħal ma ħassejtni
darba.
UNIVERS
fost kemm pjaneti
jeżistu fl-univers
hemm pjaneta mwarrba
miksija bil-ward
fiha hemm int u jien
inħarsu lejn il-kwiekeb
u huma jħarsu lejna
u jwennsuna
int u jien nistagħġbu
bil-kobor tal-univers
u f'qalbna
noħolqu univers ta' mħabba
għalina t-tnejn...
qatt ħlomtha din il-ħolma falza?
IL-KARNIVAL TA' ĦAJTI
Għalija l-Karnival
ta’ lbieraħ
daħk u bluha,
ġiri `l hawn u `l hinn,
kant, għajjat u storbju…
Għalija l-Karnival ta’ llum
biki u lfieq,
niket, swied il-qalb
u mrar…
Għalija l-Karnival ta’ għada
mistrieħ u paċi,
serħan, hena u
sliem
li ma jintemmu qatt...
illum qaluli li għada
qatt m'hu se jasal.
IL-KALENDARJU U JIEN
Inħażżu jum wara jum,
inqallbu xahar wara
xahar,
narmih sena wara sena.
Iż-żmien għaddej,
ma jieqaf qatt.
U l-istess jien:
miexi f’dit-triq,
kultant bil-ħofor,
kultant lixxa.
Għaddej - nitħażżeż, nitqalleb,
nintrema’ sena
wara l-oħra…
…l-istess bħal kalendarju.
IS-SKIET
il-kalamita
li ġġorni
magħha
lejn il-Poeżija.
intiru t-tnejn flimkien
inħaddnu lil xulxin
nigglajdjaw qalb is-sħab
tajjari.
xħin tintemm it-titjira
nerġa' ninġibed
`l isfel
lejn l-Isfera ta' l-Infertilita`.
is-Skiet sparixxa.
jien inxerred xmara dmugħ.
QAMAR KWINTA
Ix-xwejjaħ stenna
lix-xemx biex tinżel,
u l-qamar
biex ifiġġ.
Imbagħad xħin dalam,
fuq il-bejt tela’,
u l-qamar
kien q'ed hemm.
U wiċċ ix-xwejjaħ
bid-dawl imtela’
tal-qamar.
U qal hekk:
"Ja qamar kwinta,
kemm inti sbejjaħ!
Qed narak
sħiħ illum!
Xewqa kbir' għandi
li nitl’ hemm ħdejk,
fil-għoli,
qrib tiegħek.
Iżd’int ja qamar,
tersaq qrib tiegħi,
sabiex jien
narak sew.
Iva, qed narak,
qed narak tajjeb!
U ferħ kbir
qed inħoss!
Ja qamar kwinta,
int bl-hena tfawwar
lil qalbi,
għajjiena…
…Issa se nitlaq,
ja qamar ħelu,
ħa norqod
u nistrieħ."
U veru telaq,
u veru raqad…
…fil-paċi,
għal dejjem.
GĦAR LAPSI
Il-ħoss tal-mewġ
iħabbat mal-blat
ħassejtu jhennili
'l qalbi!
Ħarist lejn l-għerien
'mgħobbija biż-żmien,
u dlonk ftakart
fis-snin l-imgħoddija…
Ħarist lejn il-bahar leqqien,
mimli ħegga u qawwa.
U tbissimt,
għax naf li jien
bħalu!
U mill-bogħod
f’nofs ta’
baħar
imbiċċra
ħarset lejja
u tbissmitli lura
Filfla.
JOLFOQ IR-RIĦ
jolfoq ir-riħ
tarbija tat-twelid
miġnun f’dinja miġnuna
jolfoq ir-riħ
imdamdam, iddisprat
u miegħu nolfoq
jien
miġnun f’dinja miġnuna
ir-riħ u jien
żewġt imġienen
nolfqu
bla ħadd jismagħna
f'dinja miġnuna-truxa-mejta.
FUŻJONI
balla nar safra
tagħqad bla nifs madwari
għaraq jagħli ħiereġ
minnha
tidħak imqanżħa
jien niġri warajha
hi warajja
niġru wara xulxin
aħna
żewġ spettri mtertqin tan-natura
żewġ vagabondi 'kkalunjati
aħna ħaġa waħda
iżda…
qatt rajna `l xulxin?
HERQA
ejja
manijaku spjetat ta’ l-irgulija
qed nistenniek
imwahhad
ma’ l-asterojde
ta’ zghoziti
waqt li nkasbar
lil tfuliti
mtaqqba, mherrija…
ejja
qed nistenniek
manijaku spjetat ta’ l-irgulija
GHARGHAR TA' MHABBA
faret sax-xifer
il-funtana ta’ l-imhabba
inhakmet
min-nirien ibaqbqu
tal-passjoni
twieldu fjammi ta’ ferh
fjammi t’infatwazzjoni
faret il-funtana
ta’ l-imhabba
u faret qalbi wkoll
ghax saret taf
kif thobb
u tkun mahbuba.
GHANJA T'ARLUGGAR
doqq arlogg ferriehi
arlogg dahkan
doqq arlogg dejjem ferhan
doqq bil-qalb
halli nisimghek jien
nghannu flimkien
nghannu bla serh
u bla waqfien
doqq arlogg anzjan
arlogg zmungat
doqq arlogg imkisser u stunat
ibqa’ doqq
sakemm ma’ qalbi
titfarrak
u ssir raghad
mal-blat.
MISSJONI QERRIEDA
nirien ewforici
telghin u nezlin
mill-garigori abissali
ta’mohhi
jeqirdu kull ma jsibu
ifarrku kull sens ta’ memorja
nirien feroci
jixxabtu mal-pajpijiet dojoq
ta’ qalbi
jaqdfu u jghoddsu
fid-demm jaghli
iqasqsu l-vini
bil-fjammi taghhom
jixkupaw
kull sens ta’ mhabba
nirien malizzjuzi
nirien wahxija
li ftit ftit
qed jeqirduni
minghajr l-ebda sens ta’ htija
TAHLITA
hallat id-demm
ma’ l-ilma jaghli
u r-rizultat ikun…
Jien.
HBIEB
x’inhuma dawn
l-irjus korrotti?
x’ifissru dawn in-nofs-bnedmin?
min halaq dal-kreaturi t’ucuh b’ohra?
nixtieq tassew inkun
naf min!
ha nistaqsih ghaliex halaqhom hekk
egoisti u keshin
u
fuq kollox
ghaliex sejhilhom
'hbieb'.
LABIRINT
ir-raghad u l-beraq
jinfidlek qalbek
jitla’ l-garigori dojoq ta’ demmek
jipprova jsib minn fejn
johrog
u jiskappa
u int…
ferhana li fl-ahhar se tfigg
il-qawsalla b’sebat ixfafar
u ttemm it-tempesta
feroci
li assedjat lil ruhek kiebja
u jien…
poeta b’nofs ras
naqdef bla sahha
fid-demm cass ta’
l-arterji tieghek
noghdos goc-celloli mejta
neghreq fl-abbiss skadut ta’ mohhok
- labirint bla passaggi
NITFA DAWL
dhalt go qalbek
u sibt id-dlam wahxi
u l-bahh etern
minghajr ma naf fejn sejjer
tlajt fuq
u rajt nitfa dawl
fil-boghod
ersaqt aktar qrib
u ntbaht
li kienet l-ahhar
nofs-xrara ta’ mhabba
li kien fadallek ghalija
infxilt…
bqajt tiela’ aktar `il fuq
- bniedem mignun -
sakemm qtajt qalbi u
nifsi
u qbizt ghal isfel
fid-demm mejjet
u nkwinat ta’ gismek
garrni mieghu
u jien sirt parti minnu…
mejjet bhalu…
f’ocean mimli stalletti
UCUH
wiccek bukkett ward ifewwah
wiccek qawsalla b’elf kulur
wiccek pjaneta radjanti
ta’ l-imhabba
wiccek imrewha sabiha daqs denb ta’ pagun
wicci bahh ta’ dlam u wahx
wicci triq mimlija hofor
wicci kullana ta’ duluri
wicci spazju vojt bla
hjiel ta’ hajja
wiccek u wicci.
dawl u dlam.
l-iskerz tan-natura.
eva w adam.
F’HOGOR ALLA
meta tara s-sema blu mifrux fuq rasek,
meta tisma’ t-tpespis t’ghasfur
ferhan,
meta thoss l-imhabba ddur go gismek,
meta xxomm ir-riha mezmerizzanti tal-gizimin,
meta tmiss b’idejk
l’hena u l-ferh,
ftakar fija.
jien inkebbek
gol-lizar
ta’ l-eternita’
u nbennek
f’hogor Alla.
TRIQ TWILA
waqt li kont miexi fi triq twila
ingbidt `l isfel go hondoq sewdien
sibt ruhi f'nofs art kbira mudlama
miksija kreaturi jharsu mistaghgba
smajt vuci tqila twerden-tgedwed
"X'gejt taghmel hawn, Poeta, f'dan l-infern?"
tkexkixa fina ta' bard.
twerziqa misterjuza tirbombja f'widnejja.
inqtajt mill-art.
intrassejt go tubu ohxon
jiddi daqs sebat ixmux.
bezaqni fl-arja
u sabbatni mat-tarmak
jikwi.
waqt li kont miexi fi triq twila...
TVENVIN
Go qalbek
qalbu
qalbha
qalbkom
qalbhom
…ziffa helwa li tmelles lir-ruh.
Go qalbi…
tvenvin mignun t’irwiefen
goffi u tqal
daqs l-azzar.
TGHID, XI
DARBA?
Tghid,
xi darba,
dan il-genn
li kesa `l qalbi,
ghad idub fix-xej’?
Tghid,
xi darba,
dan l-ghanqbut qares
li qed igerrem `l ruhi,
ghad jigi meqrud?
Tghid,
xi darba,
ghad jghiduli
x’gejt naghmel hawn gew,
go dil-patata
mdewda bis-susa,
li qed tittiekel ftit
ftit
mill-Hazin?
Tghid,
xi darba,
ghad insir
naf tassew
min jien…?
LIBRERIJA
univers infinit
ta’ mwejjed u siggijiet
bla forma
meded vasti
ta’ kotba mtertqa
miksijin b’muntanji
ta’ trab fin
u ghanqbut
kreaturi koroh-boloh
li jinfduk
bil-harsa penetranti
taghhom…
mill-bieb `l barra,
il-helsien totali.
(c) Philip Ellul - Kull Dritt Huwa Riservat